![بھارتی سپریم کورٹ نے مسلمان طلاق یافتہ خواتین کیلئے بڑا فیصلہ سنادیا The Supreme Court of India has given a big verdict for Muslim divorced women](https://blogger.googleusercontent.com/img/b/R29vZ2xl/AVvXsEjjWt7jI6pQ105SiB1e5ZCmrOIFANf2_AA3cyYosRteJhEtplBiW80eS9Q8XSP3Xq5Y4hSEhGRPeM2t-u4Gk_wgpkrVXcU_xbF8qApnyz2QT7nCSSS0CXOusSV6fBKQ8U1ewYaXSo7K9FOUe0y9SkKY5m6LsZBbwflUKPe2ny0fAiu3QVNucsWYdLQqNsmG/s16000/685379_9789470_04_akhbar.webp)
بھارتی سپریم کورٹ نے کہا ہے کہ نان نفقہ کا قانون تمام شادی شدہ خواتین پر لاگو ہوتا ہے چاہے ان کا مذہب کوئی بھی ہو ۔ بھارتی میڈیا کے مطابق بھارتی سپریم کورٹ نے مسلمان شخص کی درخواست خارج کردی جس میں طلاق کے بعد خاتون کو خرچے کی ادائیگی کے حکم کو چیلنج کیا گیا تھا۔
بھارتی سپریم کورٹ کے بینچ نے واضح کیا کہ نان نفقہ کا قانون تمام شادی شدہ خواتین پر لاگو ہوتا ہے چاہے ان کا مذہب کوئی بھی ہو۔ عدالت نے اپنے فیصلے میں کہا کہ نان نفقہ صدقہ نہیں بلکہ شادی شدہ خواتین کا حق ہے،جسٹس بی وی ناگارتھنا نے سخت ریمارکس دیئے کہ کچھ شوہر اس حقیقت سے واقف نہیں ہیں کہ بیوی جو گھر بنانے والی ہے وہ جذباتی طور پر اور دوسرے طریقوں سے شوہر پر منحصر ہوتی ہے۔
یہ تاریخی فیصلہ محمد عبدالصمد کی درخواست پر آیا جسے فیملی کورٹ نے اپنی طلاق یافتہ بیوی کو ماہانہ نان نفقہ ادا کرنے کا حکم دیا تھا۔