ڈیوائس سے نان پی ٹی اے موبائل فونز چلانے والے ہوجائیں ہشیار، حساس اداروں نے سینکڑوں افراد کی فہرستیں تیار کرلیں۔پرو پاکستانی کی رپورٹ کے مطابق قانون نافذ کرنے والے اداروں نے حال ہی میں بڑی تعداد میں دبئی اور دیگر ممالک کے راستے پاکستان اسمگل کیے جانے والے سینکڑوں موبائل فونز کی نشاندہی کی ہےجس سے حکومت پاکستان کو اربوں روپے کا نقصان ہوتا ہے۔
ان اسمگل شدہ سمارٹ فونز کو سستے اورغیر قانونی طریقوں جیسے کہ سی پی آئی ڈی (کنزیومر پروڈکٹ آئیڈینٹیفیکیشن)، آئی ایم ای آئی مرمت اورپیچ اپروول کے ذریعے چلایا جارہا ہے۔جس کے سدباب کے لئے حکومت پاکستان نے ان طریقوں کے ذریعے اسمارٹ فونز کو پیچ کرنے والے سینکڑوں اسمگلرز اور دکانیں شارٹ لسٹ کی ہیں۔
حکومت کے ساتھ ساتھ پاکستان ٹیلی کمیونیکیشن اتھارٹی (پی ٹی اے) بھی ایک مقبول ویب سائٹ (cpidserver.com) کے خلاف کریک ڈاؤن شروع کرے گی جو دنیا بھر میں سی پی آئی ڈی کی منظوری کی خدمات فراہم کرتی ہے۔
سی پی آئی ڈی / پیچ اپروول (Patch approval) کیا ہے؟
انتہائی سستے نرخوں پر غیر سرکاری طور پر پی ٹی اے کی منظوری حاصل کرنے کے لئے سی پی آئی ڈی کی منظوری ایک عام طریقہ ہے۔یہ ایک ایسا طریقہ ہے جو ڈیوائس کو روٹ کیے بغیر ڈیوائس کے اصل فرم ویئر کو ان لاک کرتا ہے، مؤثر طریقے سے سم لاک کو ہٹا دیتا ہے۔
یہ سافٹ ویئر کے ذریعے اسمارٹ فون کا آئی ایم ای آئی نمبر تبدیل کرتا ہے جو ریموٹ پیڈ سرور سے منسلک ہوتا ہے۔آسان الفاظ میں ، یہ طریقہ اسمارٹ فون کے آئی ایم ای آئی نمبر کی جگہ لیتا ہے ، جو فون کی منفرد 15 ہندسوں کی آئی ڈی ہے۔
ایک پرانی ڈیوائس کے ساتھ جو پہلے ہی پی ٹی اے سے منظور شدہ ہے ،جس سے ایسا لگتا ہے کہ آپ سرکاری طور پر منظور شدہ ڈیوائس استعمال کررہے ہیں۔مزید سادہ الفاظ میں سمجھیں تو اس کا مطلب یہ ہے کہ سام سنگ گلیکسی ایس 23 الٹرا جیسے فون کو نوکیا 3310 کے طور پر رجسٹر کیا جاسکتا ہے۔
روضہ رسولﷺ پرجانےکےخواہشمندوں کیلئے بُری خبر۔
پیچ کی منظوری میں اسی طرح کی تکنیک شامل ہوتی ہے، سوائے اس کے کہ فون ایک ہی سافٹ ویئر پیچ تک محدود رہتا ہے، جو صارف کو اپنے فون کو اپ ڈیٹ کرنے سے روکتا ہے۔حکومتی ذرائع کاکہنا ہے کہ پی ٹی اے مناسب چینلز کے ذریعے cpidserver.com کے خلاف کارروائی کرے گا کیونکہ یہ دنیا بھر میں متعدد ڈیوائسز کو خدمات فراہم کرتا ہے۔
