کیا آسٹریلیا نے ورلڈ کپ ٹرافی واقعی عمران خان کے نام کی؟

آسٹریلیا نے 19 نومبر کو بھارت کو بھارت کے ہی شہر احمدآباد کے نریندرا مودی اسٹیڈیم میں کھیلے گئے ورلڈ کپ 2023 کے فائنل میں ہرا کر عالمی اعزاز اپنے نام کیا، لیکن 21 نومبر تک کچھ پاکستانیوں نے اس اعزاز کو اپنے اعزاز میں بدل دیا۔آسٹریلیا کی جیت کے بعد سوشل میڈیا پلیٹ فارم ”ایکس“ پر 21 نومبر سے ایک خط وائرل ہونا شروع ہوا۔

معروف بھارتی اداکارہ راکھی ساونت آفتاب اقبال کے ٹی وی شو میں شامل ہوگئیں۔

یہ خط مبینہ طور پر آسٹریلوی کرکٹ بورڈ ”کرکٹ آسٹریلیا“ کے چئیرمین مائیک بئیرڈ اور سی ای اور نک ہیلی کی جانب سے پاکستان تحریک انصاف (پی ٹی آئی) کے چئیرمین عمران خان کو لکھا گیا تھا۔خط کے متن میں عمران خان کو مخاطب کرتے ہوئے کہا گیا ہے کہ ’آپ کے ہنر سے ہم نے بہت کچھ سیکھا ہے اور یہ ہمارے لیے اعزاز کی بات ہے۔خط میں مزید لکھا گیا کہ ’ہم اس ٹرافی کو آپ کے نام کرتے ہیں اور بطور چیف گیسٹ آسٹریلیا آںے کی دعوت دیتے ہیں تاکہ آپ کو میڈل آف دی آرڈر آف آسٹریلیا (آسٹریلیا کا سب سے بڑا سول اعزاز) پیش کیا جاسکے۔

اس خط کو شئیر کرنے والے تقریباً تمام ہی اکاؤنٹس کا تعلق ایک مخصوص سیاسی جماعت سے ہے۔

کرکٹ آسٹریلیا کا عمران خان کے نام خط۔
یہ اعزاز کی بات ہے کہ ہمیں آپ کی کرکٹ کی مہارتوں کو پڑھنے اور سیکھنے کا موقع ملا ہے۔ ہم اس ورلڈ کپ ٹرافی کو آپ کے نام کرتے ہیں اور کرکٹ آسٹریلیا کی جانب سے ہم آپ کو آسٹریلیا میں میڈل آف دی آرڈر آف آسٹریلیا پیش کرنے کے لیے بطور مہمان خصوصی… pic.twitter.com/UmVuKfVhWt

— Ammar Mehmood (@mianammar02) November 21, 2023 

عمران خان کے لیے ایک اور اعزاز!

آسٹریلیا ہائی کمشنر نے جو خط عمران خان کو لکھا تھا وہ منظر عام پر اگیا۔

کرکٹ آسٹریلیا نے عمران خان کو میڈل آف دی آرڈر کی تقریب میں مہمان خصوصی کی احثیت سے دعوت دی۔.👇 pic.twitter.com/oTy6U8Xmnm

— isha shah (@syedaisha_shah) November 21, 2023

عمران خان کے لیے ایک اور اعزاز۔۔۔
کرکٹ آسٹریلیا نے عمران خان کو میڈل آف دی آرڈر کی تقریب میں مہمان خصوصی کی حثیت سے دعوت دی ہے۔۔۔
یہ خط ابھی ابھی ملا ہے۔ عمران خان کی لیگل ٹیم کو ہم ابھی اسے خان صاحب کو دینگے۔۔۔
مان لو وہ جیت گیا ہے۔۔۔#ووٹ_سے_لیں_گے_انتقام@TeamiPians pic.twitter.com/mvYPiEPKnm

— Syeda Benish Islamⁱᴾⁱᵃⁿ (@SyedaBenishIsl3) November 21, 2023

تاہم، بظاہر یہ خط جعلی ہے، کیونکہ جب اس خط کی حقیقت جاننے کیلئے کرکٹ آسٹریلیا کے سوشل میڈیا پیجز اور ویب سائٹ کو دیکھا گیا تو وہاں اس قسم کا کوئی خط موجود نہیں تھا، اور نہ ہی آسٹریلوی ہائی کمیشن کی جانب سے اس قسم کے خط کی کوئی تصدیق کی گئی ہے۔

حوالہ