خوش آمدید نواز شریف ! میری زندگی کا شاید آج سب سے بڑا دن ہے

 سابق وزیراعظم نوازشریف کا طیارہ دبئی ائیرپورٹ سے پاکستان کےلیے روانہ ہو گیا۔ نواز شریف کا طیارہ دن ایک بج کر چالیس منٹ پر اسلام آباد ائیرپورٹ پر لینڈ کرے گا۔نوازشریف کے خصوصی طیارے کی ٹریکنگ بھی کی جا رہی ہے۔پبلک نیوز کے مطابق لائیو ٹریکنگ ویب سائٹ پرسب سے زیادہ ٹریک کیا جانیوالا طیارہ بن گیا۔

ملک بھرسےنوازشریف کے استقبال کیلئےقافلےلاہورپہنچنے لگے۔

جب کہ پاکستان مسلم لیگ ن کی سینئر نائب صدر مریم نواز شریف نے سماجی رابطے کی ویب سائٹ ٹویٹر پر ٹویٹ کرتے ہوئے کہا کہ میری زندگی کا شاید آج سب سے بڑا دن ہے۔ میں اللّہ ربّ العزت کی شکر گزار ہوں۔ 

جتنے دکھ اور تکالیف نواز شریف نے پچھلے 24 سالوں میں سہے، شاید ہی اس کی کوئی مثال ہو۔مریم نواز نے مزید کہا کہ نوازشریف شریف کے کچھ زخم ایسے ہیں جو کبھی نہیں بھر پائیں گے مگر جتنے عروج بھی نواز شریف نے دیکھے وہ بھی شاید کسی اور کے حصے میں نہ آئے ہوں۔

انہوں نے کہا کہ پاکستان آج نواز شریف کا ایک اور عروج دیکھنے جا رہا ہے، انشاءاللّہ ! آ جا تینوں اکھیاں اُڈیکدیاں۔

میری زندگی کا شاید آج سب سے بڑا دن ہے۔ میں اللّہ ربّ العزت کی شکر گزار ہوں۔ جتنے دکھ اور تکالیف نواز شریف نے پچھلے 24 سالوں میں سہے، شاید ہی اس کی کوئی مثال ہو، اور انکے کچھ زخم ایسے ہیں جو کبھی نہیں بھر پائیں گے مگر جتنے عروج بھی نواز شریف نے دیکھے وہ بھی شائد کسی اور کے حصے میں…

— Maryam Nawaz Sharif (@MaryamNSharif) October 21, 2023

اسی طرح نوازشریف کی وطن واپسی پر ان کے چھوٹے بھائی شہباز شریف نے بھی محبت کا اظہار کیاہے۔شہباز شریف نے سماجی رابطے کی ویب سایٹ ٹویٹر پر ٹویٹ کرتے ہوئے کہا کہ نواز شریف، جی آیاں نوں۔ 

نواز شریف، جی آیاں نوں ❤️

— Shehbaz Sharif (@CMShehbaz) October 21, 2023

جب کہ سابق وفاقی وزیر خزانہ اسحاق ڈار نے کہا ہے کہ عوام نے موقع دیا تو پھر پاکستان کو معاشی طاقت بنائیں گے۔ اپنے ایک بیان میں اسحاق ڈار کا کہنا تھا کہ پانامہ ایک ڈرامہ تھا، ایک بندے کو ملک پر مسلط کرنا تھا وہ کر دیا گیا، 24ویں معیشت کو 47ویں معیشت بنا کر ملک کا بیڑا غرق کیا گیا، معیشت کو ٹھیک ہونے میں وقت لگتا ہے، کوئی جادو کی چھڑی نہیں جو گھماتے ہی پوری معیشت ٹھیک ہو جاتی ہے۔

حوالہ