ایک طرف جہاں پنجاب میں بارشوں نے تباہی مچائی ہوئی ہے، وہیں بھارت کی جانب سے پانی چھوڑے جانے پر سیلاب کا خدشہ پیدا ہوگیا۔پروونشل ڈیزاسٹر مینجمنٹ اتھارٹی (پی ڈی ایم اے) پنجاب نے صوبے میں ممکنہ سیلاب کا ہائی الرٹ جاری کر دیا ہے۔
انسداد دہشت گردی عدالت نے پی ٹی آئی کے سابق ایم پی ایز کی ضمانتیں منظور کر لی
ترجمان پی ڈی ایم اے کے مطابق آٹھ سے دس جولائی کے دوران دریائے جہلم، ستلج، راوی اور چناب میں انتہائی اونچے درجے کے سیلاب کا خدشہ ہے۔پی ڈی ایم اے کا کہنا ہے کہ بھارت کی جانب سے راوی اور ستلج میں پانی چھوڑے جانے کا امکان ہے۔
ترجمان نے مزید بتایا کہ بھارت کی طرف سے پانی چھوڑے جانے کے پیش نظر سیلاب کے خطرات بڑھنے کا خدشہ ہے۔پنجاب کے تمام ڈپٹی کمشنرز سمیت صوبائی محکموں کو فوری طور پر انتظامات مکمل کرنے کی ہدایت جاری کر دی گئی ہیں۔
