بھارتی ڈانسر دھناشری ورما ایک ٹیلی وژن شو کے دوران سابق شوہر اور کرکٹر یوزویندر چہل کا ذکر کرتے ہوئے جذباتی ہوگئیں۔بھارتی کوریوگرافر اور ریئلٹی ٹی وی اسٹار دھناشری ورما نے حال ہی میں احسنیر گروور کے شو "رائز اینڈ فال” میں اپنے ذاتی تجربات شیئر کرتے ہوئے جذباتی لمحات کا اظہار کیا جس کی ویڈیو سوشل میڈیا پر خوب وائرل ہورہی ہے۔
LOADING...
بھارتی ڈانسر نے کہا میں نے شادی کو چلانے کی پوری کوشش کی، جب طلاق کے فیصلے کے بارے میں پوچھا گیا تو دھناشری نے بتایا کہ یہ ان کا اپنا فیصلہ تھا۔دھناشری نے کہا کہ انہوں نے رشتے کو بچانے کے لیے اپنی پوری کوشش کی اور 100 فیصد دیا، لیکن میں نے آخر میں بغیر کسی پچھتاوے کے آگے بڑھنے کا فیصلہ کیا۔طلاق کے باوجود انہوں نے ارجن سے کہا کہ یوزویندرا کے لیے میں ہمیشہ فکر مند رہوں گی اس کا خیال ہمیشہ رہے گا، وہ خیال میری طرف سے کبھی نہیں جائے گا۔اس دوران ارجن نے کہا کہ بعض اوقات تھوڑی سی کوشش سے رشتوں کو بچایا جا سکتا ہے، دھناشری مسکرائیں، اور ان کی آنکھیں نم ہو گئیں جس کے بعد ارجن نے انہیں تسلی دیتے ہوئے گلے لگایا۔
