بھارت میں یوم آزادی کی تقریب میں دو کے بجائے ایک لڈو دینے پر شہری نے وزیراعلیٰ ہیلپ لائن پر شکایت کردی۔بھارتی میڈیا رپورٹ کے مطابق ریاست مدھیہ پردیش کے ضلع بھنڈ کے رہائشی شخص نے وزیر اعلیٰ کی ہیلپ لائن پر ایک معمولی شکایت کے لیے کال کی کہ سب کو دو لڈو دیے گئے اور اسے صرف ایک لڈو ملا۔
LOADING...
واقعہ گرام پنچایت بھون میں یوم آزادی کی تقریبات کے دوران پیش آیا، پرچم کشائی کی تقریب کے بعد تمام حاضرین میں لڈو تقسیم کیے جارہے تھے، جب کملیش خوشواہا کی باری آئی تو اسے ایک لڈو پیش کیا گیا۔جب اسے دو لڈو دینے سے انکار کیا گیا تو اس نے اپنا احتجاج درج کروانے کے لیے سی ایم ہیلپ لائن پر کال کی اور شکایت میں لکھا کہ پنچایت پرچم کشائی کے بعد مناسب طریقے سے مٹھائی تقسیم کرنے میں ناکام رہی اور اس معاملے کو حل کرنے کی ضرورت ہے۔
پنچایت سکریٹری رویندر سریواستو نے این ڈی ٹی وی کو بتایا کہ "کملیش باہر سڑک پر کھڑا تھا۔ چپراسی نے اسے ایک لڈو دیا، لیکن اس نے دو پر اصرار کیا۔ جب انکار کیا تو اس نے سی ایم ہیلپ لائن پر کال کی۔”پنچایت نے بازار سے ایک کلو مٹھائی مزید خریدنے کا فیصلہ کیا ہے اور شکایت کنندہ کو تسلی دی ہے۔
