ایک اور چاند گرہن: پاکستان میں کس وقت نظارہ کیا جاسکے گا؟

رواں سال کا دوسرا چاند گرہن 7 اور 8 ستمبر کی درمیانی شب ہوگا۔ جس کا نظارہ پاکستان سے بھی کیا جاسکے گا۔محکمہ موسمیات نے اپنے بیان میں کہا ہے کہ 7 اور 8 ستمبر کی درمیانی سب ہونے والے چاند گرہن کو یورپ،ایشیا، آسٹریلیا،افریقا،شمالی اور جنوبی امریکا سمیت پاکستان سے بھی دیکھاجاسکے گا۔محکمہ موسمیات کے جاری بیان کے مطابق 7 ستمبر کی رات 8 بجکر 28 منٹ پر چاند کی روشنی کم ہونے لگے گی جبکہ چاند کو جزوی چاند گرہن لگنے کا آغاز 9 بجکر 27 منٹ پر ہوگا اور چاند کو مکمل گرہن کا آغاز 10 بجکر 31 منٹ پر ہوگا۔

LOADING...

محکمہ موسمیات کے مطابق چاند گرہن 11 بجکر 12 منٹ پر اپنے عروج پر ہوگا، مکمل چاند گرہن کا اختتام 11 بجکر 53 منٹ پر ہوگا، جزوی چاندگرہن کا اختتام 12 بجکر 57 منٹ پر ہوگا اور رات ایک بج کر 55 منٹ پرچاند گرہن مکمل اختتام کو پہنچ جائے گا۔دوسری جانب محکمہ موسمیات نے مزید بتایا کہ 21 اور  22 ستمبر کو رواں سال کا دوسرا اور آخری جزوی سورج گرہن ہوگا، سورج گرہن آسٹریلیا کے جنوبی حصے بحرالکاہل، بحرِاوقیانوس اور انٹارکٹیکامیں دیکھا جا سکے گا تاہم سورج گرہن کا مشاہدہ پاکستان میں نہیں کیا جاسکے گا۔

حوالہ