سعودی عرب میں 23 ستمبر کو ملک بھر میں عام تعطیل کا اعلان کر دیا گیا ہے۔عرب میڈیا کا کہنا ہے کہ سعودی عرب 23 ستمبر کو اپنا 95 واں قومی دن بھرپور ملی جوش و جذبے کے ساتھ منایا جائے گا۔مملکت سعودی عرب میں قومی دن کی مناسب سے شہریوں اور غیر ملکی باشندوں کے لئے عام تعطیل کا اعلان کیا گیا ہے، پہلی دفعہ شاہ فیصل کے دور میں 1965ء میں قومی دن منایا گیا۔اس کے بعد 2005 میں شاہ عبداللہ نے شاہی فرمان کے ذریعے اس دن مستقل سرکاری چھٹی کا درجہ دے دیا گیا۔نجی ٹی وی کے مطابق یہ دن 1932 میں شاہ عبدالعزیز کے اس تاریخی فرمان کی یاد دلاتا ہے جس کے تحت نجد اور حجاز کو متحد کرکے سعودی عرب کے نام سے ایک ریاست قائم کی گئی تھی ۔
LOADING...
عرب میڈیا کے مطابق اس سال قوم دن کو ہمارا فخر ہماری فطرت میں ہے کے نام سے موسوم کیا گیا ہے، یہ سعودی عوام کی ثقافتی روایات اور قدرتی ورثے کو ظاہر کرتا ہے۔23 ستمبر قومی دن کے موقع پر مملکت سعودیہ میں آتش بازی، ڈرون شوز، سعودی ہاکس کے فضائی مظاہرے، ثقافتی پروگرام، روایتی رقص اور مختلف نمائشیں بھی منعقد کی جائیں گی۔جدہ، ریاض اور دمام سمیت بڑے شہروں میں خصوصی تقریبات کا انعقاد کیا جائے گا، اہم عمارتوں کو سبز رنگ کی روشنیوں سے منور کیا جائے گا۔ یہ دن ہر سال 23 ستمبر کو منایا جاتا ہے۔
