احمد آباد طیارہ حادثہ: ٹاٹا گروپ کا متاثرین کو ایک ایک کروڑ روپے معاوضہ دینے کا اعلان -

احمد آباد طیارہ حادثہ: ٹاٹا گروپ کا متاثرین کو ایک ایک کروڑ روپے معاوضہ دینے کا اعلان - 

ٹاٹا سنز کے چیئرمین این چندرشیکرن نے آج احمد آباد طیارہ حادثے میں ہلاک ہونے والوں کے لواحقین کے لیے ایک ایک کروڑ روپے کے معاوضے کا اعلان کیا۔ ٹاٹا گروپ کی طرف سے جاری کیے گئے ایک بیان میں چندرشیکرن نے کہا کہ ٹاٹا گروپ اس حادثے میں زخمی ہونے والے تمام افراد کے علاج کے اخراجات برداشت کرے گا اور یہ بھی یقینی بنایا جائے گا کہ انہیں ضروری دیکھ بھال اور مدد ملے۔

LOADING...

ٹاٹا سنز نے ایک اور اعلان کرتے ہوئے کہا کہ گروپ بی جے میڈیکل ہاسٹل کی تعمیر میں بھی مدد فراہم کرے گا۔ ٹاٹا گروپ نے ایک سوشل میڈیا پوسٹ میں کہا، "ایئر انڈیا فلائٹ 171 سے متعلق المناک واقعہ سے ہمیں بہت افسوس ہے۔ اس وقت ہم جس دکھ کو محسوس کر رہے ہیں اسے الفاظ میں بیان نہیں کیا جا سکتا۔ ہماری تعزیت اور دعائیں ان خاندانوں کے ساتھ ہیں جنہوں نے اپنے پیاروں کو کھو دیا ہے اور جو زخمی ہوئے ہیں۔"

We are deeply anguished by the tragic event involving Air India Flight 171.

No words can adequately express the grief we feel at this moment. Our thoughts and prayers are with the families who have lost their loved ones, and with those who have been injured.

Tata Group will…

— Tata Group (@TataCompanies) June 12, 2025

 گروپ نے ایک پوسٹ میں لکھا کہ ہم اس مشکل گھڑی میں متاثرہ خاندانوں کے ساتھ کھڑے ہیں۔ چندر شیکرن نے کہا کہ ایئر لائن کی بنیادی توجہ تمام متاثرہ افراد اور ان کے اہل خانہ کی مدد کرنا ہے۔ انہوں نے کہا، "ہم جائے وقوعہ پر ایمرجنسی رسپانس ٹیموں کی مدد اور متاثرہ لوگوں کو تمام ضروری مدد اور دیکھ بھال فراہم کرنے کے لیے اپنی پوری طاقت کے ساتھ کام کر رہے ہیں۔" واضح رہے کہ احمد آباد سے لندن جانے والی ایئر انڈیا کی پرواز AI 171 دوپہر کو گر کر تباہ ہو گئی۔ اس جہاز میں 242 افراد سوار تھے۔

حوالہ