بھارتی ریاست کرناٹک میں بیوی نے شوہر کو جان سے مارنے کی کوشش کرتے ہوئے سیلفی لینے کے بہانے ندی میں دھکا دے دیا۔انڈین میڈیا کے مطابق یہ واقعہ ضلع رائچور میں کرشنا ندی کے پاس پیش آیا جس کی ویڈیو سوشل میڈیا پلیٹ فارمز پر خوب وائرل ہو رہی ہے۔
LOADING...
آس پاس موجود لوگوں نے شہری کو ندی میں ڈوبتا دیکھ کر اس کی مدد کی اور رسی کے ذریعے اسے باہر نکالا۔ جب مقامی لوگوں نے پوچھا کہ آپ نے چھلانگ کیوں لگائی تو اس نے بتایا کہ میں نے چھلانگ نہیں لگائی بلکہ میری بیوی نے مجھے دھکا دیا۔وائرل ویڈیو میں دیکھا جا سکتا ہے کہ مقامی لوگ شہری کو ندی سے ریسکیو کر رہے ہیں، اس کو رسی کی مدد سے باہر نکالا جا رہا ہے۔
ندی میں گرنے والے شہری کی شناخت تتپا کے نام سے ہوئی جس نے الزام لگایا کہ اس کی بیوی نے جان بوجھ کر اسے دھکا دیا جبکہ خاتون نے اس کو ایک حادثہ قرار دیا۔جوڑے کی شادی اپریل 2025 میں ہوئی ہے لیکن شادی کے تین ماہ کے اندر ہی ان کے درمیان لڑائی جھگڑے شروع ہوگئے۔
