مسجد نبوی کے داخلی اور خارجی راستوں کو مختلف رنگوں سے مزین کردیا گیا تاکہ یہاں آنے اور جانے کے راستوں کی نشاندہی رہے۔عرب میڈیا کے مطابق مقدس مساجد کے امور کے نگراں ادارے نے مسجد نبوی سے باہر نکلنے اور داخل ہونے والوں کے لیے راستوں کو الگ الگ رنگوں سے نشان زد کیا ہے۔
LOADING...
علاوہ ازیں مسجد کے صحن میں بچوں کی دیکھ بھال کا مرکز بھی قائم کیا گیا ہے جو صبح 5 بجے سے رات 11 بجے تک ماہرین کی نگرانی میں کام کرتا ہے۔مسجد نبوی میں آنے والے والدین بچوں کو اس چائلڈ کیئر سینٹر میں چھوڑ سکیں گے اور اپنی عبادات یکسوئی اور زیادہ بہتر انداز سے کرسکیں گے۔
خیال رہے کہ گزشتہ برس 280 ملین سے زائد مسلمانوں نے مسجد نبوی میں نماز پڑھنے کی سعادت حاصل کی تھی۔سعودی عرب کے حالیہ اعداد و شمار کے مطابق اس سال اب تک 10 ملین سے زائد مسلمانوں نے ریاض الجنہ میں نماز ادا کی جو گزشتہ برس کے مقابلے میں 26 فیصد زیادہ ہے۔
