پرساد نے اپنے آرٹ ورک کے پوسٹ کے کیپشن میں ‘محبت ایک عالمی جذبہ ہے اور یہی سب سے بڑا دھرم بھی ہے‘ لکھتے ہوئے سوناکشی اور ظہیر دونوں کو مینشن کیا۔اداکارہ سوناکشی سنہا کی جانب سے ان کی زندگی کے یادگار دن کو خوبصورتی سے ایک آرٹ ورک کی شکل دینے پر آرٹسٹ کا شکریہ ادا کیا گیا تاہم اسی موقع پر اداکارہ نے اپنی شادی پر تنقید کرنے والوں کو منہ توڑ جواب بھی دیدیا۔
سوناکشی نے پرساد بھٹ کی جانب سے شیئر کی گئی پوسٹ پر تبصرہ کرتے ہوئے لکھا، ‘بلکل سچ بات !! یہ ‘آرٹ ورک‘ بہت پیارا ہے! شکریہ‘۔سوناکشی نے اپنے تبصرے میں بظاہر ان ٹرولز کو مخاطب کیا ہے جو سوشل میڈیا پر ان کی بین المذاہب شادی پر تنقید کر رہے ہیں۔
اداکارہ نے اپنی انسٹاگرام اسٹوری پر پوسٹ دوبارہ شیئر کی جس میں محبت کے ’عالمگیر مذہب‘ ہونے کے بارے میں بات کی گئی۔ واضح رہے اداکارہ سوناکشی اور ظہیر نے 23 جون کو سول میرج کے ذریعے سوناکشی سنہا کے گھر میں شادی کی۔
نئے سفر کے آغاز پر بد قسمتی سے جوڑے کو نیک تمناؤں کے بجائے شدید تنقید کا نشانہ بنایا گیا۔یہی وجہ تھی کہ غیر ضروری نفرت اور منفی کمنٹس سے بچنے کیلئے سوناکشی سنہا کی جانب سے فوٹو اینڈ ویڈیو شیئرنگ ایپ انسٹاگرام پر اپنی سول میرج اور استقبالیہ کی تقریب سے جاری کی جانے والی تصاویر شیئر کرتے ہوئے تبصرے کے سیکشن کو غیر فعال کردیا تھا۔
