مخصوص نشست پر منتخب ہوکر پہلی بار گوجرانوالہ پہنچنے پر مسلم لیگ (ن) کی رکن قومی اسمبلی شازیہ فرید کا شاندار استقبال کیا گیا ، کارکنان نے یادگار استقبال کرتے ہوئے غیر ملکی کرنسی نچھاور کی ۔تفصیلات کے مطابق گوجرانوالہ میں کارکنان نے اپنی رکن اسمبلی کا بھر پور طریقے سے استقبال کرتے ہوئے پھول نچھاور کئے جبکہ متعدد کارکنا ن نے غیر ملکی کرنسی ڈالرز، ریال اور یورو بھی نچھاور کر دیئے ۔
شازیہ فرید کی آمد پر کارکنان نے ڈھول کی تھاپ پر بھنگڑے بھی ڈالے ۔ اس موقع پر کئی کارکنان کرنسی نوٹ لوٹتے ہوئے ایک دوسرے سے گتھم گتھا بھی ہو گئے۔
