مہنگائی کے مارے عوام کھائیں تو کیا کھائیں،لاہورمیں برائلر مرغی کی قیمتوں میں مزید اضافہ ہوگیا ہے، دو روز کے دوران گوشت کی فی کلو قیمت میں 25 روپے کا اضافہ ہو گیا۔ برائلرمرغی کے گوشت کی قیمت میں آج 15 روپے اضافہ ہوا جبکہ گزشتہ روز گوشت کی فی کلو قیمت میں 10 روپے کا اضافہ ہوا تھا،برائلر مرغی کے فی کلو گوشت کی نئی قیمت 634 روپے مقررکی گئی ہے۔
زندہ برائلر مرغی کی تھوک فی کلو قیمت 421 روپے مقرر کی گئی ہے،زندہ مرغی کی پرچون قیمت 437 روپے فی کلو مقرر کی گئی ہے۔ فارمی انڈوں کی فی درجن قیمت 2 روپے اضافے سے 275 روپے ہو گئی۔
