سابق امریکی صدر ڈونلڈ ٹرمپ پر ایک اور ریاست کے پرائمری انتخابات میں حصہ لینے پر پابندی عائد کر دی گئی۔ غیر ملکی خبر رساں ایجنسی کے مطابق امریکی ریاست الینوائے کی عدالت نے سابق امریکی صدر ڈونلڈ ٹرمپ کو ریپبلکن صدارتی پرائمری بیلٹ میں حصہ لینے سے روک دیا۔
عدالتی حکم کے مطابق کیپیٹل ہل پر حملے اور بغاوت میں کردار کی وجہ سے ڈونلڈ ٹرمپ پر پابندی عائد کی گئی۔دوسری جانب امریکی سپریم کورٹ نے ڈونلڈ ٹرمپ کے خلاف مقدمے کے ٹرائل کو روک دیا۔ امریکی سپریم کورٹ انتخابی مداخلت کیس میں ڈونلڈ ٹرمپ کے استثنیٰ کے دعویٰ کا فیصلہ کرے گی۔
امریکی سپریم کورٹ کے مطابق اس دوران فیڈرل کورٹ میں کوئی ٹرائل نہیں ہو گا اور عدالت کیس کی سماعت 22 اپریل کو کرے گی۔ کیس حل ہونے میں مہینوں لگ سکتے ہیں۔
