پی ایس ایل میں شرکت کرنے والے کرکٹرز کو ان کے معاوضے مل چکے ہیں۔ معاہدوں کے مطابق زیادہ تر کھلاڑیوں کو 70 فیصد سے زیادہ رقم ادا کر دی گئی ہے۔ باقی رقم لیگ کے بعد دی جائے گی۔ زیادہ تر کھلاڑیوں کو 50 ڈالرز کا یومیہ الاؤنس بھی ملا ہے۔ ڈالر کی قیمت 281 روپے مقرر کی گئی ہے۔ اس طرح ہر کھلاڑی کو روزانہ 14000 روپے مل رہے ہیں۔
پلے آف مرحلے میں ٹیموں کے فیصلے کے بعد اس کے بعد ہونے والے میچوں کی ادائیگی بھی کی جائے گی۔ دوسری جانب ٹیم مالکان کو مشروط طور پر ڈگ آؤٹ میں بیٹھنے کی اجازت ہے۔انہیں منتظمین کو پیشگی اطلاع دینے کی ضرورت ہے۔ پھر انہیں میچ کے دوران کہیں جانے کی اجازت نہیں ہے۔
اگر وہ چلے جاتے ہیں تو وہ ڈگ آؤٹ میں واپس نہیں آسکتے ہیں۔ انہیں موبائل فون، سمارٹ واچز یا دیگر مواصلاتی آلات لے جانے کی بھی اجازت نہیں ہےتاہم اگر وہ مالکان کے لیے الگ مخصوص جگہ پر بیٹھتے ہیں، تو پیشگی اجازت کی ضرورت نہیں ہے۔ میچ کے بعد ٹیم مالکان بھی کھلاڑیوں سے ڈریسنگ روم میں مل سکتے ہیں۔
