’نسیم تیرے پیار میں حد سے گزر جائیں گے‘

-
"Neesim will cross the limit in your love"

سوشل میڈیا پر وائرل رہنے والی بھارتی ماڈل اور اداکارہ اروشی روٹیلا ایک بار پھر توجہ کا مرکز بن گئیں، اداکارہ نے ایک نیا انداز اپنا کرصارفین کو حیران کردیا۔بھارتی اداکارہ نے گزشتہ روز اپنے سوشل میڈیا اکاؤنٹ انسٹاگرام پر ایک ویڈیو اپنے چاہنے والوں کے ساتھ شئیر کی ہے۔ شئیر کی گئی ویڈیو میں ان کو ’وکٹ کیپنگ‘ کرتے ہوئے دیکھا جاسکتا ہے۔

کہاں کہاں دھند چھائی رہے گی؟ محکمہ موسمیات کی اہم پیش گوئی

کرکٹ پچ پر بطورِ وکٹ کیپر اروشی روٹیلا کی یہ ویڈیو ان کی آنے والی فلم کی پروموشن کی ہے، انہوں نے ویڈیو شئیر کرتے ہوئے لکھا کہ ’یہ نئی فلم کیلئے نئی شروعات ہے‘۔اروشی روٹیلا کے اس دلچسپ اعلان اور لُک نے مداحوں کو حیران کر دیا ہے۔

فلم کی پروموشن کیلئے بنائی گئی اس ویڈیو میں بھارتی اداکارہ کو خاصا پُراعتماد اور پرجوش دیکھا جاسکتا ہے۔بھارتی تاریخ میں پہلی بار کسی ہیروئن نے منفرد طریقے سے اپنی آنے والی فلم کا بطورِ کرکٹر بن کر اعلان کیا ہے۔سماجی رابطے کی ویب سائٹس ایکس پر اس وائرل ویڈیو پران کے مداحوں کی جانب سے دلچسپ تبصرے کیے جارہے ہیں۔ایکس پر خاتون صارف نے اداکارہ کی ویڈیو شیئرکرتے ہوئے پاکستانی فاسٹ بولر نسیم شاہ کی یاد تازہ کرتے ہوئے لکھا کہ ’رضوان کی جگہ اب خطرے میں ہے کیونکہ اروشی روٹیلا نسیم شاہ کی بولنگ پر وکٹ کیپنگ کریں گی‘۔ 

ایک اور صارف لکھا کہ ’نسیم تیرے پیار میں حد سے گزرجائیں گے‘۔ 

ایک صارف نے طنزیہ لکھا کہ ’یہ نسیم کے آگے ایک اوور کیلئے بھی نہیں رہ پائیں گی‘۔ 

ایک اور صارف نے لکھا کہ ’رشبھ پنت کی واپسی کافی ناممکن دکھائی دے رہی ہے کیونکہ اب اروشی روٹیلا انہیں وکٹ کیپنگ میں سخت مقابلہ دے رہی ہیں‘۔ 

ایک صارف نے نسیم شاہ کو مخاطب کرتے ہوئے کہا کہ ’اروشی روٹیلا وکٹ کیپر بن رہی ہیں، تو اس کا مطلب یہ ہے کہ نسیم شاہ اب سست بالنگ کروائیں گے‘۔ 

ایشیا کپ 2022 کے پاک بھارت میچ کے دوران نسیم شاہ کی ایڈٹ شدہ ویڈیو اپنی انسٹاگرام اسٹوری میں شیئر کرنے کے بعد بھارتی اداکارہ خوب وائرل ہورہی تھیں۔اپنی اسٹوری پر شیئر کی گئی ویڈیو میں نسیم شاہ کو کرکٹ گراؤنڈ میں مسکراتے ہوئے دکھایا گیا تھا۔




حوالہ 

ٹیگز

اشتہار


Banner 728

اشتہار