بیویوں سے موبائل چھپانےکےبجائےشوہرحرکتیں ٹھیک کرلیں،اداکارہ اشناشاہ

اداکارہ اشنا شاہ کا کہنا ہے کہ اگرشوہرحرکتیں ٹھیک کرلیں تو بیویوں کو موبائل چیک کرنے کی ضرورت نہ پڑے۔موبائل پر کسی کوڈ یا پاس ورڈ کی ضرورت نہیں پیش آنی چاہیے۔

پا کستانی اداکارہ اشنا شاہ کا شوہروں کو اہم مشورہ

پاکستانی اداکارہ اشنا شاہ کانجی ٹی وی سے گفتگو میں کہنا تھاکہ  اگرچہ بیویوں کو شوہروں کا موبائل چیک کرنے کی ضرورت ہی نہیں پڑنی چاہیے لیکن اگر اس کے باوجود بیوی موبائل پکڑ بھی لے تو شوہروں کو کوئی مسئلہ درپیش نہ ہو، اکثر مرد حضرات اپنا موبائل الٹا رکھتے ہیں۔

اللہ کا شکر ہے کہ میرے ساتھ یہ مسئلہ نہیں ہے، میرے شوہر بہت اچھے ہیں انہوں نے شادی کے بعد میرے کہے بغیر اپنے موبائل پر میری فیس آئی ڈی لگادی۔

اداکارہ کا مزید کہنا تھاکہ  شادی کے بعد  کسی فون کوڈز کی ضرورت نہیں ہونی چاہیے، اگر آپ نے شادی کے بعد راز رکھنے ہیں تو شادی نہ کریں، اپنی فطرت اور حرکتیں اتنی صاف رکھیں کہ  تاکہ بیوی کو فون چیک کرنا ہی نہ پڑے۔

حوالہ