نوازشریف کا عمران خان کے خلاف سخت ردعمل۔
مسلم لیگ ن کے قائد نواز شریف کا کہنا ہے کہ عمران خان چل سکے یا نہ چل سکے، ملک تو چلے گا۔
تفصیلات کے مطابق مسلم لیگ ن کے قائد نواز شریف نے لندن میں میڈیا سے گفتگو کی، اس دوران صحافی نے سوال کیا عمران خان نے پھر دھرنوں اور لانگ مارچ کا اعلان کردیا ملک آگے کیسے چلے گا؟
جس پر نوازشریف نے جواب دیا کہ عمران خان چل سکے یا نہ چل سکے، ملک تو چلے گا۔
مسلم لیگ ن کے قائد نے شہباز شریف سے متعلق سوال پر جواب دیتے ہوئے کہا شہباز شریف کی آمد پر ان سے ملاقات ہوگی۔
گذشتہ روز بھی صحافی نے نواز شریف سے سوال کیا تھا کہ کیا ثاقب نثار کے خلاف قانونی کارروائی ہونی چاہئے؟ جس پر انھوں نے کہا کہ ثاقب نثارکیخلاف کارروائی ہونی چاہیے، ثاقب نثارنےقانون توڑا ہے اور آئین کی خلاف ورزی کی ہے۔
قائد ن لیگ کا کہنا تھا کہ دوسرے جو لوگ بھی قانون توڑتےہیں سیدھاجیل جاتے ہیں، شوکت صدیقی نےثاقب نثارکانام لےکرباتیں کی ہیں۔
نواز شریف کا کہنا تھا کہ ثاقب نثارکس کس چیزکادفاع کرینگے،انہوں نےبہت ظلم کئےہیں، ثاقب نثار نےجوظلم پاکستان کےساتھ کیاہےوہ ناقابل معافی ہیں۔
یاد رہے اس سے قبل پی ٹی آئی کے حوالے سے نواز شریف کا کہنا تھا کہ پتہ نہیں پی ٹی آئی کیا ڈیمانڈ کر رہی ہے، اس کا کوئی سر پیر نہیں، پی ٹی آئی کی ڈیمانڈ بیس سال سےسب نے دیکھ رکھی ہیں۔
