سعودی عرب میں آئل کمپنی کا ہیلی کاپٹر گر کر تباہ ہو گیا۔ جس کے نتیجے میں 14 سعودی باشندے جاں بحق ہو گئے۔غیر ملکی خبر رساں ایجنسی کے مطابق آئل کمپنی آرامکو ہیلی کاپٹر گرنے کا حادثہ سعودی عرب کے مشرقی ساحل راس تنورہ کے قریب پیش آیا۔ ریسکیو اور متعلقہ حکام نے جائے حادثہ پر امدادی کارروائیاں مکمل کر لیں۔
LOADING...
حکام کے مطابق حادثے کی وجوہات جاننے کے لیے باضابطہ تحقیقات کا آغاز کر دیا گیا، جبکہ تاحال حادثے کی ممکنہ وجہ کے بارے میں کوئی سرکاری بیان جاری نہیں کیا گیا۔واضح رہے کہ سعودی آرامکو نے تقریباً 4 ماہ کے وقفے کے بعد گزشتہ جمعہ کو راس تنورہ ٹرمینل سے خام تیل کی لوڈنگ دوبارہ شروع کی تھی۔
BREAKING: A Saudi Aramco helicopter has crashed in Ras Tanura, killing 14 people, the state news agency reports.
— Al Jazeera Breaking News (@AJENews) June 28, 2026
🔴 More on https://t.co/hGzrK2N8WC pic.twitter.com/EvJMTEVlQj
یہ پیشرفت ایسے وقت میں سامنے آئی ہے جب مشرق وسطیٰ میں امریکا اور ایران کے درمیان عبوری جنگ بندی معاہدے کے بعد خطے کے تیل پیدا کرنے والے ممالک نے خام تیل اور گیس کی پیداوار اور برآمدات میں اضافہ کر دیا ہے۔یہ اقدامات جنگ بندی کے عبوری معاہدے سے قبل خطے سے توانائی کی ترسیل تیز کرنے کی کوششوں کا حصہ قرار دیئے جا رہے ہیں۔
