اسلام آباد کے ریڈ زون میں واقع سپریم کورٹ آف پاکستان کی بلڈنگ میں اچانک دھماکا ہوا جس کے باعث 4 افراد زخمی ہو گئے۔ریسکیو ذرائع کے مطابق دھماکا اے سی گیس پلانٹ کی مرمت کےدوران ہوا، جس سے سپریم کورٹ کی عمارت لرز اٹھی۔
LOADING...
دھماکے کے بعد سامنے آنے والی ویڈیوز میں زخمیوں کا خون کینٹین کی کرسیوں اور فرش پر گرا ہوا دیکھا جا سکتا ہے۔اس کے علاوہ ویڈیوز میں دیکھا گیا ہے کہ دھماکے سے کینٹین کی سیلنگ بھی اکھڑی ہے اور فرنیچر وغیرہ بھی ٹوٹا ہے۔دھماکے کے فوراً بعد سکیورٹی اور امدادی اہلکار جائے وقوع پر پہنچے۔ بم ڈسپوزل اسکواڈ بھی فوری طور پر سپریم کورٹ پہنچی اور شواہد اکٹھے کرنا شروع کر دیے۔
