دنیا بھر میں کئی کھیل مشہور ہیں اور ان کے سینکڑوں پرستار بھی ہیں۔ خاص طور پر کرکٹ، فٹبال جیسے مشہور کھیل میں کھلاڑی جب کوئی کارنامہ انجام دیتے ہیں تو انہیں بیش بہا انعام سے نوازا جاتا ہے۔ایک ایسا کھیل جس کے دوران پیش آنے والے واقعے نے کھلاڑی اور وہاں موجود تماشائیوں کو حیران کر دیا، ناقابل یقین واقعہ کی ویڈیو بھی سوشل میڈیا پر خوب وائرل ہورہی ہے، میدان میں جب کھلاڑی کی مہارت ناکام ہوئی تو پھر ایک مکھی قدرت کا کرشمہ بن کر سامنے آئی اور اس کھلاڑی کو چند لمحوں میں کروڑوں روپے کا مالک بنوا گئی۔
LOADING...
یہ حیرت انگیز گالف کورٹ میں پیش آیا جہاں برطانوی گولفر بی ایم ڈبلیو چیمپئن شپ میں ایک مکھی کی مدد سے 9 لاکھ 10 ہزار ڈالر (پاکستانی 25 کروڑ روپے سے زائد) جتوا گئی۔بی ایم ڈبلیو چیمپئن شپ گزشتہ ماہ امریکی شہر میری لینڈ میں ہوئی۔ اس چیمپئن شپ کے مقابلے میں برطانوی گولفر ٹومی فلیٹ ووڈ نے ایک شاٹ کھیلا، لیکن بال سوراخ سے صرف سینٹی میٹر کے فرق سے رک گئی۔مذکورہ گولفر اپنے شاٹ کو کامیاب نہ ہونے پر افسردہ ہوا۔
ایسے میں ایک عام مکھی آکر بال پر بیٹھ گئی اس کا گیند پر بیٹھنا تھا کہ ٹومی فلیٹ کی قسمت چمک اٹھی اور گیند اس کے معمولی وزن سے اچانک حرکت میں آئی اور لڑھک کر سوراخ میں چلی گئی۔یہ منظر دیکھ کر نہ صفر گولفر بلکہ شائقین بھی حیران رہ گئے اور ایک شور سا مچ گیا۔ کھیل کے منتظمین کے لیے بھی یہ نظارہ ناقابل یقین تھا۔
