سکھر میں شوہر نے بیوی کو مگرمچھ کے جبڑے سے نکال کر اس کی زندگی بچالی۔سکھر میں صالح پٹ کے مقام پر کینال کنارے خاتون پر مگرمچھ نے حملہ کیا، مگرمچھ بیوی کو کھینچ کر لے جارہا تھا جب شوہر نے اس کے جبڑے سے اہلیہ کو نکال لیا۔
LOADING...
گزشتہ ماہ امریکا میں نوجوان لڑکی اپنی حاضر دماغی کی وجہ سے مگرمچھ کے منہ سے زندہ نکل آئی تھی۔امریکا کی ریاست فلوریڈا میں نوجوان لڑکی پر 10 فٹ لمبے مگرمچھ نے حملہ کیا جوابی حملے کے بعد لڑکی زندہ بچ گئی تھی۔والٹن کاؤنٹی شیرف کے مطابق 15 سالہ سمر ہینوٹ کی ٹانگ پر مگرمچھ نے کاٹا اور پانی کے اندر لے گیا۔
لیکن لڑکی نے ہمت نہیں ہاری اور مگرمچھ سے لڑتی رہی۔ہینوٹ کا کہنا تھا کہ میں نے اسے سر میں اتنی زور سے مکے مارے کہ اس نے مجھے چھوڑ دیا لیکن چند لمحے کے بعد ہی دوبارہ پکڑ لیا۔لڑکی کے مطابق جب دوسری بار مگرمچھ نے مجھے پکڑا اور پانی میں لے گیا تو میں اپنی ٹانگ کو ہلانا شروع کیا اور مگرمچھ سے آزاد ہوکر تیزی سے تیراکی کرنے لگی اور پانی سے باہر نکل آئی۔
