پاکستانی پاسپورٹ میں تبدیلی کا فیصلہ، والدہ کا نام بھی لازمی قرار

پاکستانی پاسپورٹ میں تبدیلی کا فیصلہ کر لیا گیا ہے۔موقر قومی اخبار کی رپورٹ کے مطابق نئے جاری ہونے والے پاسپورٹ پر والد کے ساتھ اب والدہ کا نام بھی لازمی قراردیا گیا ہے۔اب تجدید کرائے جانے والے پاسپورٹس پر والد اور والدہ کا نام بھی لکھا جائے گا، ترجمان پاسپورٹ اینڈ امیگریشن کے مطابق فیصلہ عالمی معیار سے ہم آہنگ ہونے، سماجی ضروریات مدنظر رکھتے ہوئے کیا گیا ہے۔

LOADING...

ان کا کہنا تھا کہ اس اقدام کا مقصد عالمی تقاضے پورے کرنا ہے، اس نئے نظام کے بعد یہ سوال اٹھایا جا رہا ہے کہ جن کے پاس پہلے سے جاری شدہ پاسپورٹس ہیں، کیا ان کو نئے پاسپورٹ بنوانے ہوں گے؟اس بارے میں تاحال حتمی پالیسی جاری نہیں کی گئی ہے، حکام کا کہنا ہے کہ موجودہ پاسپورٹس اپنی مقررہ مدت تک کارآمد رہیں گے اور نئی تبدیلی کا اطلاق آئندہ جاری ہونے والے پاسپورٹس پر ہوگا۔

حوالہ