چین نے دنیا کے سب سے بڑے ڈیم کی تعمیر شروع کردی ، جس کے بعد بھارت میں کھلبلی مچ گئی۔تفصیلات کے مطابق پاکستان کا پانی بند کرنے کی دھمکی دینے والے بھارت میں کھلبلی مچ گئی۔سندھ طاس معاہدہ معطل کرنے والے بھارت پر چین نے پانی کا ایٹم بم گرا دیا، چینی وزیراعظم لی چیانگ نے تبت میں یرلنگ سنپوڈیم کا سنگ بنیاد رکھ دیا۔
LOADING...
یہ سپر ڈیم تبت میں دریائے یارلنگ پرتعمیر کیا جارہا ہے، جو بھارت میں جاکر برہما پترا کہلاتا ہےغیرملکی میڈیا کا کہنا ہے میگا ڈیم کی تعمیر پر 168 ارب ڈالر لاگت آئے گی، جو زمین کا سب سے مہنگا تعمیراتی منصوبہ قراردیا گیا ہے.منصوبے میں 5 ہائیڈرو پاور اسٹیشنز سالانہ 3 سو ارب کلو واٹ آورسےزائد بجلی پیدا کریں گےجو30کروڑ سے زائد افراد کی ضروریات پوری کرے گی۔دریائے یرلنگ سنپور پر یہ دنیا کی سب سے بڑی ہائیڈرو الیکٹرک تنصیب ہوگی۔
ڈاؤن اسٹریم میں تبت سے پانی دریائے برہم پترا میں تبدیل ہو کر بھارت اور بنگلادیش جاتا ہے۔چین نے 5 سالہ منصوبے کے تحت 2020 میں اس ڈیم اعلان کیا ، جس کی منظوری دسمبر2024 میں دی گئی تھی۔چین، بھارت اوربنگلادیش کےدرمیان اس دریا کی تقسیم پرکوئی معاہدہ موجود نہیں، بھارت خدشہ ظاہرکر رہا ہے کہ چین ڈیم سے دریا کے بہاؤ کا رخ بدل سکتا ہے.
