متحدہ عرب امارات کے دارالحکومت کی پہلی کم لاگت ایئر لائن ایئر عربیہ ابوظہبی نے ابوظہبی کے زاید انٹرنیشنل ایئرپورٹ اور پاکستان کے سیالکوٹ انٹرنیشنل ایئرپورٹ کے درمیان براہِ راست پروازوں کے آغاز کا اعلان کیا ہے۔
LOADING...
یہ نئی سروس 17 جولائی 2025 سے شروع ہو گی اور ہر ہفتے تین بار آپریٹ کی جائے گی۔نئی پرواز کا مقصد مسافروں کو سستی اور سہل سفری سہولت فراہم کرنا ہے، جو ابوظہبی اور سیالکوٹ کے درمیان براہِ راست سفر کو ممکن بنائے گی۔ اس سروس کے ذریعے ایئر عربیہ ابوظہبی نے پاکستان میں اپنے نیٹ ورک کو مزید وسعت دی ہے، جو پہلے ہی فیصل آباد اور ملتان کے لیے پروازیں چلا رہی ہے۔
سیالکوٹ، جو پاکستان کا ایک اہم صنعتی و برآمدی مرکز ہے، پنجاب کے شمال مشرقی علاقے میں واقع ہے۔ یہ شہر کشمیر کے پہاڑی دامن اور دریائے چناب کے قریب واقع ہے، اور سیالکوٹ ضلع کا صدر مقام بھی ہے۔ اس نئی پرواز کی منصوبہ بندی کاروباری افراد اور پاکستانی تارکینِ وطن کی بڑھتی ہوئی طلب کو مدنظر رکھتے ہوئے کی گئی ہے، جو ان دونوں علاقوں کے درمیان مسلسل رابطے میں رہتے ہیں۔ایئر عربیہ ابوظہبی کی یہ سروس نہ صرف سفری آسانی فراہم کرے گی بلکہ کاروباری سرگرمیوں اور خاندانی روابط کو بھی مزید مضبوط بنائے گی۔
