ایک خوبصورت فلکی مظہر، ” پنک مون“ یعنی مکمل چاند، 2025 میں 13 اپریل کو پاکستان کے آسمان پر جلوہ گر ہوگا۔تفصیلات کے مطابق ” پنک مون“ ہر سال بہار کے آغاز پر نظر آتا ہے، لیکن کیا آپ جانتے ہیں؟ اس کا رنگ اصل میں گلابی نہیں ہوتا؟اس کا نام بہار میں کھلنے والے خوبصورت گلابی ”پھلوکس“ (Phlox) پھولوں سے لیا گیا ہے، جو نئے موسم کی آمد کی نوید دیتے ہیں۔
LOADING...
یہ مکمل چاند اپنے عروج پر 12 اپریل کو امریکی وقت کے مطابق رات 8 بج کر 23 منٹ پر ہوگا۔ مگر پاکستان میں، یہ چاند 13 اپریل کی رات کراچی میں تقریباً 9:08 بجے رات طلوع ہوگا، اور پوری رات آسمان پر جگمگاتا رہے گا۔ماہرین کا کہنا ہے کہ چاند کو طلوع کے وقت دیکھنا سب سے خوبصورت ہوتا ہے، جب سورج غروب ہو رہا ہو۔اُس وقت چاند کچھ زیادہ ہی بڑا اور روشن دکھائی دیتا ہے، جسے ”مون الیوژن“ کہا جاتا ہے، یعنی ایک بصری فریب جو چاند کو معمول سے بڑا دکھاتا ہے۔
پاکستان میں ناظرین چاند کو مشرقی افق پر سورج غروب ہونے کے فوراً بعد دیکھ سکتے ہیں، اور یہ مغرب میں طلوعِ آفتاب تک آسمان پر موجود رہے گا۔اگلا مکمل چاند ”فلاور مون“ کے نام سے 12 مئی کو نظر آئے گا۔ 2025 میں مجموعی طور پر 12 مکمل چاند ہوں گے، جن میں 3 سپر مونز اور 2 مکمل چاند گرہن شامل ہیں۔ان میں سے ایک چاند گرہن 7 اور 8 ستمبر کی درمیانی رات کو کراچی میں بھی دیکھا جا سکے گا۔
