ملک میں پیٹرول اور ڈیزل کی قیمتوں میں بڑی کمی کا امکان ہے۔موقر قومی اخبار کی رپورٹ کے مطابق عالمی مارکیٹ میں خام تیل کی قیمت میں کمی کی وجہ سے پاکستان میں بھی پیٹرولیم مصنوعات کی قیمتوں میں 14 روپے فی لیٹر تک کمی ہو سکتی ہے۔
LOADING...
پیٹرول کی قیمت میں 14 روپے 16 پیسے کمی ہونے کا امکان ہے جس کے بعد پیٹرول کی فی لیٹر قیمت 241.47 روپے فی لیٹر ہوجائے گی ڈیزل کی قیمت میں فی لیٹر 8 روپے 70 پیسے کمی ہو سکتی ہے جس کے بعد ڈیزل کی فی لیٹر قیمت 249.94 روپے ہونے کا امکان ہے، ڈیزل کی قیمت میں کمی سے اجناس کی قیمتوں پر فرق پڑے گا، جس سے عوام کو مزید ریلیف ملے گا۔مٹی کے تیل کی قیمت میں 10 روپے 33 پیسے کمی ہونے کا امکان ہے ۔
جس کے بعد مٹی کا تیل فی لیٹر 157 روپے 79 پیسے کا ہو جائے گاپیٹرولیم مصنوعات کی قیمتوں بارے حتمی اعلان حکومت کرے گی صنعتوں میں استعمال ہونے والے لائٹ ڈیزل آئل کی قیمت میں 7 روپے 12 پیسے فی لیٹر کمی ہونے کا امکان ہے جس کے بعد فی لیٹر لائٹ ڈیزل آئل کی قیمت146 روپے 22 پیسے ہو جائے گی۔
