کھجورمٹھاس سے بھرا قدرتی تحفہ ہے جو عام طور پر روزے، تہواروں اور توانائی بڑھانے کے لیے استعمال کی جاتی ہے، اگر کھجور کو اعتدال میں کھایا جائے تو یہ خون میں شوگر کی سطح میں اضافہ نہیں کرتی ہیں،کھجور میں موجود میگنیشیم اور پوٹاشیم بلڈ شوگر کو منظم کرنے میں مدد کرتے ہیں۔
LOADING...
بلڈ شوگر کو مستحکم کرنے والی بہترین کھجوریں
عجوہ کھجوریں
یہ چھوٹی، سیاہ اور اینٹی آکسیڈنٹس سے بھرپور ہوتی ہیں، ان میں چکنائی کم اور فائبر زیادہ ہوتا ہے، جو انہیں کم گلائسیمک انڈیکس رکھنے والی کھجوروں میں سے ایک بناتا ہے، یہ ان لوگوں کے لیے ایک بہتر انتخاب ہیں جو کم GI والی کھجوریں تلاش کر رہے ہیں۔
کیمیا کھجوریں
یہ نرم اور قدرتی طور پر میٹھی ہوتی ہیں ان میں چینی کی مقدار اعتدال میں ہوتی ہے اور یہ دودھ شیک یا میٹھے پکوانوں میں استعمال کی جاتی ہیں اگر ان کھجوروں کو گری دار میوے کے ساتھ کھایا جائے تو یہ گلوکوز کے اخراج کو کم کرنے میں مدد دیتی ہیں۔
میڈجول کھجوریں
یہ بڑی اور کیریمل جیسی ذائقہ دار کھجوریں ہیں اور ذائقے میں سب سے میٹھی ہوتی ہیں ان کو اعتدال میں کھانا بہتر ہے، خاص طور پر اگر آپ اپنی شوگر کی مقدار کو دیکھ رہے ہیں۔
کھدراوی کھجوریں
یہ نرم اور نم ہوتی ہیں، اور ان میں میڈجول کھجوروں کے مقابلے میں چینی کی مقدار کم ہوتی ہے یہ ان لوگوں کے لیے بہترین انتخاب ہیں جو زیادہ گلائسیمک اثر کے بغیر قدرتی مٹھاس چاہتے ہیں۔
ڈیگلٹ نور کھجوریں
یہ نیم خشک قسم کی کھجوریں ہیں جن میں ہلکی مٹھاس ہوتی ہے فائبر اور قدرتی شکر کے توازن کی وجہ سے یہ اکثر انرجی بارز اور اسنیکس میں استعمال کی جاتی ہیں۔
کھجور کھانے کے کچھ طریقے
کھجور کھانے کی مقدار کو محدود کریں تاکہ چینی کی ضرورت سے زیادہ مقدار سے بچا جا سکے، فی سرونگ 2-3 کھجوریں کھائیں۔ کھجور کو گری دار میوے، بیج یا دہی کے ساتھ کھانے سے گلوکوز کے جذب کو سست کرنے میں مدد ملتی ہے۔ کھجور کو جئی یا سارا اناج میں شامل کرنے سے بلڈ شوگر کے بہتر کنٹرول میں مدد ملتی ہے۔
شربت میں بھیگی ہوئی کھجوروں سے بچیں، اور اس کے بجائے قدرتی طور پر خشک کھجوروں کا انتخاب کریں، جو زیادہ فائبر فراہم کرتی ہیں کھجوروں کو ان کی قدرتی شکل میں کھانا بہتر ہوتا ہے، جو نیم پکی یا خشک ہوتی ہیں، غیر پروسیس شدہ اور غیر پیک شدہ کھجوروں میں فائبر کی مقدار زیادہ ہوتی ہے۔ کھجور کو اعتدال میں کھانے سے بلڈ شوگر کے سطح کو بہتر بنایا جا سکتا ہے، بشرطیکہ انہیں درست طریقے سے اور مناسب حصوں میں کھایا جائے۔
