ترکی ایک ایسا ملک ہے جو تاریخ، ثقافت اور قدرتی حسن کو بے مثال انداز میں یکجا کرتا ہے، جس کی وجہ سے یہ سیاحوں کے لیے ایک پرکشش منزل ہےیورپ اور ایشیا کے سنگم پر واقع ترکی کا منفرد جغرافیہ قدیم کھنڈرات، شاندار پہاڑوں اور دلکش ساحلوں سے بھرا ہوا ہے۔ انطالیہ کے دھوپ میں نہائے ساحلوں سے لے کر مشرقی اناطولیہ کے برف پوش پہاڑوں تک، ترکی کے متنوع مناظر دیکھنے والوں کے لیے کسی نظارے سے کم نہیں۔
LOADING...
ترکی کا بھرپور ثقافتی ورثہ عثمانی، بازنطینی اور اناطولیائی روایات کا حسین امتزاج ہے، جو اس کے شاندار شہروں، مزیدار کھانوں اور رنگ برنگے بازاروں میں واضح طور پر جھلکتا ہے۔چاہے آپ استنبول کی رونق بھری گلیوں کی سیر کر رہے ہوں، روایتی ترک حمام میں سکون حاصل کر رہے ہوں، یا مقامی پکوانوں کا ذائقہ چکھ رہے ہوں، ترکی ہر قسم کے سیاحوں کے لیے کچھ نہ کچھ ضرور رکھتا ہے۔اناطولیہ ویزا ایپلیکیشن سینٹرز نے پاکستانی شہریوں کے لیے ترکی کے وزٹ ویزا کی فیس کا اعلان کر دیا ہے۔قواعد کے مطابق، عام پاکستانی پاسپورٹ رکھنے والے افراد کو ترکی کا سیاحتی سفر کرنے سے پہلے وزٹ ویزا حاصل کرنا ضروری ہے۔
درخواست گزاروں کو درج ذیل اہم دستاویزات جمع کروانی ہوں گی:
1: بینک اسٹیٹمنٹ
2: صحت بیمہ
3: تصاویر
4 فنگر پرنٹس
5: واپسی کا ٹکٹ
6: ہوٹل کی بکنگ
ترکی کے سنگل انٹری وزٹ ویزا کی سفارتی فیس 60 ڈالر (تقریباً 16 ہزار 746 روپے) جبکہ ملٹی پل انٹری ویزا کی فیس 190 ڈالر (تقریباً 53 ہزار 029 روپے) مقرر کی گئی ہے۔
اناطولیہ ویزا ایپلیکیشن فیس
اناطولیہ ویزا ایپلیکیشن سینٹر ویزا سروس فیس وصول کرتا ہے، جو درج ذیل ہے:
نارمل درخواست: 65 ڈالر (تقریباً 18 ہزار 141 روپے)
VIP درخواست: 80 ڈالر(تقریباً 22 ہزار 328 روپے)
تمام ادائیگیاں نقد، پاکستانی روپے میں، اسٹیٹ بینک آف پاکستان کے گزشتہ روز کے ایکسچینج ریٹ کے مطابق کی جائیں گی۔
