وزیر خزانہ محمد اورنگزیب نے کہا ہے کہ پاکستان جون 2025 تک پانڈا بانڈ جاری کرے گا ، پانڈا بانڈز کے ذریعے چین کی مارکیٹس میں شمولیت کا ارادہ رکھتے ہیں۔
LOADING...
محمد اورنگزیب نے کہا کہ پاکستان چینی سرمایہ کاروں سے تقریباً 200 ملین امریکی ڈالر جمع کرنے کا ارادہ رکھتا ہے، معیشت کو برآمدات پر مبنی ترقی کی طرف منتقل کرنے پر توجہ مرکوز کر رہے ہیں۔انہوں نے مزید کہا کہ برآمدات بڑھنے سے قرض ادائیگیوں کے توازن میں پائیداری حاصل ہو گی ۔
سی پیک کا دوسرا مرحلہ مزید چینی کمپنیوں اور سرمایہ کاری کو راغب کرے گا۔وزیر خزانہ نے ہانگ کانگ کو پاکستان میں تجارتی اور مالیاتی مواقع کا جائزہ لینے کے لیے وفود بھیجنے کی دعوت دیتے ہوئے کہا کہ ہانگ کانگ چینی اور پاکستانی کمپنیوں کے درمیان مشترکہ منصوبوں کے لیے موزوں مقام ثابت ہو سکتا ہے۔
