بیوٹی سوپ لکس کے اشتہارات پاکستان اور بھارت میں کافی مقبول رہے ہیں، اور آج تک جاری ہیں، ان کی مقبولیت کی وجہ یہ ہے کہ ان کے ایڈز میں نامور اداکاراؤں کو کاسٹ کیا جاتا ہے تاکہ برانڈ اچھا بزنس کر سکے۔
LOADING...
لیکن ایک بار لکس بیوٹی صابن کے اشتہار میں بالی وڈ حسیناؤں کے بجائے بالی ووڈ کنگ شاہ رخ خان کو کاسٹ کیا گیا تھا جو دوبارہ خبروں کی زینت بن رہا ہے۔اشتہار میں شاہ رخ خان کے علاوہ 4 مقبول بالی ووڈ اداکاراؤں کو بھی دکھایا گیا تھا جس نے کمرشل کو چار چاند لگائے۔یہ ایڈ جب ٹی وی پر پہلی بار نشر ہوا تو ناظرین حیرت زدہ رہ گئے کیونکہ اس ایڈ میں کسی خوبرو خاتون کی جگہ شاہ رخ خان لکس صابن تھامے ہوئے تھے۔
اشتہار میں کنگ خان کو ایک بڑے باتھ ٹب میں لیٹے دکھایا گیا کہ اسی دوران انٹری ہوتی ہے 4 خوبصورت اداکاراؤں کی، جس میں پہلی انٹری کرتی ہیں ڈریم گرل ہیمامالنی جو سیاہ رنگ کی ساڑھی میں جازب نظر آرہی تھیں، پھر آتی ہیں جوہی چاولہ جو گلابی رنگ کی ساڑھی میں انتہائی خوبرو دکھ رہی ہوتی ہیں۔
اس کے بعد کرینہ کپور اور پھر آخری انٹری لیجنڈری ادکارہ سری دیوی کی ہوتی ہےشاہ رخ خان ان چاروں حسیناؤں کا تعارف دیتے ہوئے کہتے ہیں کہ میری چوائس یہ چاروں ہی لکس سوپ کی جانب سے یہ اشتہار اپنی 75 ویں سالگرہ کے موقع پر لانچ کیا تھا جن میں نامور بالی ووڈ شخصیات کو کاسٹ کیا گیا تھا۔
