ہنان میں سونے کا بڑا ذخیرہ دریافت ،مالیت کتنی ہے؟

ہنان میں سونے کا بڑا ذخیرہ دریافت ،مالیت اتنی کہ ملک مالامال ہوجائے گاآخر اس کی مالیت ہے کتنی ؟ غیر ملکی میڈیا کے مطابق دریافت ذخیرہ ممکنہ طور پر دنیا کا سب سے بڑا سونے کا ذخیرہ قرار دیا جا رہا ہے، یہاں ایک اندازے کے مطابق ایک ہزار میٹرک ٹن اعلیٰ معیار کا سونا موجود ہے۔

LOADING...

 چین کے صوبے ہنان میں دریافت ہونے والے اس سونے کے ڈپازٹ کی مالیت 83 ارب امریکی ڈالرز سے زائد بتائی جا رہی ہے۔ ابتدائی تحقیقات سے 2 کلومیٹر کی گہرائی میں تقریباً 300 میٹرک ٹن سونا ہونے کا پتہ چلا ہے جبکہ یہاں زیادہ گہرائی میں مزید ذخائر ہونے کا اندازہ لگایا گیا ہے۔ 

مقامی جیولوجیکل بیورو کے مطابق ایک اندازے کے تحت سونے کے مزید ذخائر 3 ہزار میٹر کی گہرائی میں پائے جائیں گے اور اگر ایسا درست ہوا تو ان ذخائر کی مالیت  83 ارب ڈالرز ہو سکتی ہے۔ مائننگ ٹیکنالوجی کے مطابق چینی سونے کے ذخائر کی دریافت سے پہلے دنیا میں سونے کے سب سے بڑے ذخائر جنوبی افریقا، انڈونیشیا، روس، چلی، امریکا اور دیگر ممالک میں موجود ہیں۔

حوالہ