مسافر کے منہ سے بم کی بات سن کر ایئر پورٹ پر کھلبلی مچ گئی

بھارت کے شہر کوچین کے ایئر پورٹ پر اُس وقت کھلبلی مچ گئی جب ایک مسافر نے عملے سے کہا کہ اس کے بیگ میں بم موجود ہے۔عملے نے یہ سن کر فوراً سیکیورٹی اہلکارون کو طلب کیا جنہوں نے 42 سالہ منوج کمار کو حراست میں لے لیا۔ موقع پر موجود کسٹم حکام نے جب منوج کمار سے تفتیش کی تو اُس نے کہا کہ وہ بس مذاق میں یہ بات کہہ رہا تھا۔

LOADING...

بم والی بات سن کر متعلقہ اہلکاروں نے پورے ایئر پورٹ کی سیکیورٹی کو ہائی الرٹ کردیا تھا۔ مسافروں کو طیارے میں سوار ہونے سے روک دیا تھا۔ سیکیورٹی اہلکاروں نے طیارے کی جامع تلاشی لی۔سیکیورٹی کلیئرنس کے بعد ہی طیارے میں مسافروں کو سوار ہونے کی اجازت دی گئی۔ اس دوران منوج کمار کو متعلقہ پولیس اسٹیشن منتقل کردیا گیا۔

حوالہ