یوٹیلیٹی اسٹورز پر وزیراعظم ریلیف پیکج کے تحت ملنے والی چینی کی فروخت بند کر دی گئی ہے۔یوٹیلیٹی اسٹورز کارپوریشن پر چینی کی فروخت بند ہونے سے شہری اوپن مارکیٹ سے مہنگی چینی خریدنے پر مجبور ہو گئے ہیں۔ترجمان یوٹیلیٹی اسٹورز نے کہا ہےکہ کارپوریشن کے پاس اس وقت وافر مقدار میں چینی دستیاب ہے تاہم فی کلو چینی پر 15 روپے نئی فیڈرل ایکسائز ڈیوٹی کی وجہ سے چینی کی فروخت بند ہے۔
ترجمان کے مطابق ایف ای ڈی کی وضاحت کے لیے ایف بی آر سے ایڈوائس مانگی گئی ہے، جیسے ہی ایف بی آر کلیئر کرتا ہے چینی کی فروخت فوری شروع ہو جائے گی۔
