ہیٹی سے ٹرکس اور کایکوس جزائر جانے والی ایک کشتی میں آتشزدگی سے 40 تارکینِ وطن جاں بحق ہوگئے۔فرانسیسی خبر رساں ادارے کی رپورٹ کے مطابق کشتی میں 80 سے زیادہ افراد سوار تھے۔ کشتی میں آگ اس وقت لگی جب اس میں سوار ایک عامل نے تمام مسافروں کے سفر کو خیریت کے ساتھ مکمل کرنے کے لیے جادو ٹونے کا عمل شروع کیا۔ اس عمل کے دوران لکڑیاں جلاکر اُن پر جڑی بوٹیاں پھینکی گئیں تو اچانک دھماکا سا ہوا اور پوری کشتی نے آگ پکڑلی بیان کے مطابق ہیٹی کے کوسٹ گارڈ نے 41 افراد کو بچا لیا۔
ادھر آئی او ایم کے سربراہ اس المناک واقعے کی ذمہ داری ہیٹی کے سیکیورٹی حکام پر عائد کی ہے۔ انہوں نے کہا کہ ہیٹی کی سماجی معاشی صورتحال مشکل میں ہے جس کی وجہ سے لوگ انتہائی قدم اٹھانے پرمجبور ہورہے ہیں۔
