سوشل میڈیا کے باعث اکثر ہی ہماری اسکرین پر کوئی نہ کوئی ایسی ویڈیو آجاتی جسے یاد کرکے ہم دن بھر مسکراتے رہتے ہیں۔ ایسا ہی ایک واقعہ ایک ننھے ولاگر کے ساتھ پیش آیا جس کا مائیک کتے کا ایک پیارا سا چھوٹا سا بچہ لے کر بھاگ نکلا۔اس معصوم سی ڈکیتی کا نشانہ بنے ننھے ولاگر کی ویڈیو نے لوگوں کو ہنسنے پر مجبور کردیا ہے۔
بچے کی پریشانی کے باوجود سوشل میڈیا پر وائرل اس ویڈیو میں مزاحیہ عنصر نمایاں ہے۔”گھر کے کلیش“ نامی ٹوئٹر اکاؤنٹ سے شئیر کی گئی اس ویڈیو میں ایک چھوٹے کتے کو حیران بچے سے ولاگنگ کا مائیک چوری کرتے اور بچے کو اس کے پیچھے بھاگتے دیکھا جا سکتا ہے۔
بچہ چھوٹۓ کتے کے پیچھے اس سے مائیک واپس کرنے کی التجا کرتے ہوئے دوڑتا ہے اور کہتا ہے کہ ’مائیک واپس کردے بھائی ویڈیو بنانی ہے، ساڑھے چار سو روپے کا مائیک ہے‘۔
Wholesome Kalesh b/w a Puppy and Kid over puppy Steals his mic, just a mic theif pic.twitter.com/tfz83e9xsu
— Ghar Ke Kalesh (@gharkekalesh) April 24, 2024
لیکن وہ چھوٹا کتا اس بچے کی ایک نہیں سنتا اور مائیک لے کر دوڑا چلا جاتا ہے، بالآخر ایک مقام پر جاکر وہ کتا مائیک چھوڑ دیتا ہے اور بچہ اس مائک کو اٹھا کر شکر ادا کرتا ہے۔اس مزاحیہ ویڈیو پر3 لاکھ 75 ہزار سے زیادہ لوگوں نے اپنی آراء اور تبصرے پیش کئے جن ہیں سے زیادہ تر ویڈیو سے محظوظ ہوتے دکھائی دئے۔
