ضلع ننکانہ کے تحصیل ہیڈکوارٹرز ٹی ایچ کیو اسپتال شاہ کوٹ کے آپریشن تھیٹرمیں مریضہ کی ٹک ٹاک بنائی جانےلگیں نرس نےآپریشن تھیٹرمیں دوران آپریشن مریضہ کی ویڈیو بنا کرسوشل میڈیا پروائرل کردی۔واقعہ پر آپریشن تھیٹرمیں مریضہ کی برہنہ ویڈیوبنانےپر اسپتال انتظامیہ خاموش تماشائی بنی رہی۔ ویڈیو وائرل ہونے پر وزیرصحت خواجہ عمران نذیر نے معاملہ کانوٹس لے لیا۔
وزیرصحت نے سیکرٹری صحت علی جان کو کمیٹی بنانے کی ہدایت کر دی۔خواجہ عمران نذیر نے کہا کہ واقعہ کی مکمل چھان بین کرکےذمہ داران کیخلاف سخت کارروائی کی جائے گی، اسپتالوں میں خواتین کی پرائیویسی کا مکمل تحفظ کیا جائےگا، اسپتالوں میں ٹک ٹاک ویڈیو بنانے پرہسپتال انتظامیہ ذمہ دار ہوگی۔
