جی سی یونیورسٹی لاہور میں پروفیسر کی جانب سے مبینہ ہراسانی پر طالبہ نے پروفیسر کو فائلیں دے ماریں،واقعہ کی ویڈیو منظر عام پر آگئی۔ ویڈیو میں دیکھا جا سکتا ہے کہ طالبہ فائلیں اُٹھا کر اسسٹنٹ پروفیسر کو مار رہی ہے جبکہ طالبہ نے مبینہ طور پر پروفیسر کے بال بھی نوچ ڈالے۔ فوٹیج میں یہ بھی دیکھا جا سکتا ہے کہ واقعے کے وقت آفس میں دیگر طالبات بھی موجود تھیں۔
ویڈیو منظر عام پر آنے کے بعد یونیورسٹی انتظامیہ نے واقعہ کا نوٹس لیتے ہوئے تحقیقات کیلئے کمیٹی قائم کردی، تحقیقاتی کمیٹی جلد از جلد تحقیقات مکمل کرکے حقائق سامنے لائے گی۔ رپورٹ کی روشنی میں سخت کاروائی کی جائے گی۔
