لاہور ٹریفک پولیس نے ملک بھر میں 8 فروری 2024 کو ہونے والے عام انتخابات کے لیے ٹریفک پلان جاری کردیا۔کانسٹیبل سے لے کر سی ٹی او تک تمام افسران شہریوں کی مدد و رہنمائی کے لیے موجود ہوں گے۔
سی ٹی او لاہور عمارہ اطہر کے مطابق اے کیٹگری کی 320 اور بی کیٹگری کی 1248 پولنگ بلڈنگز پر ڈیوٹی لگا دی گئی، ایس پی سہیل فاضل، ایس پی شہزاد خان اور ایس پی ملک اکرام مکمل سپرویژن کریں گے۔
عمارہ اطہر نے بتایا کہ 12 ڈی ایس پیز،500 سینئر وارڈنز اور 03 ہزار سے زائد وارڈنز فرائض سرانجام دیں گے، 136 لیڈی وارڈنز بھی پولنگ ڈے پر ضلعی پولیس کے ساتھ ملکر فرائض سرانجام دیں گیں۔
Traffic🚥Plan Regarding Election Day 8 Feb 2024. pic.twitter.com/3ept5YHiYo
— Lahore Traffic Police (@ctplahore) February 6, 2024
سی ٹی او لاہور نے مزید بتایا کہ 20 فوک لفٹرز اور 04 بریک ڈاؤن بھی 03 شفٹوں میں تعینات ہوں گے، ضلعی پولیس اور دیگر لاء انفورسمنٹ ایجینسز سے مکمل تعاون رکھا جائے گا، مشکوک افراد اور لاوارث اشیاء پر خصوصی نظر رکھی جائے گی۔
