امریکا نے ترکیہ کو 40 نئے ایف 16 طیاروں کی فروخت کی منظوری دے دی۔امریکا کا یہ فیصلہ رواں ہفتے ترکیہ کی جانب سے سوئیڈن کی نیٹو میں رکنیت کی توثیق کے بعد سامنے آیا ہے۔
امریکی محکمۂ خارجہ نے کانگریس کو ترکیہ کے لیے 23 ارب ڈالر کے F-16 کی فروخت کی منظوری کے فیصلے سے مطلع کر دیا ہے۔ترکیہ نے اکتوبر 2021ء میں امریکا سے جیٹ طیاروں کی خریداری کی درخواست کی تھی۔
لیکن انقرہ کی طرف سے سوئیڈن کی نیٹو میں شمولیت کی منظوری میں تاخیر طیاروں کی فروخت کے لیے کانگریس کی منظوری حاصل کرنے کی راہ میں ایک بڑی رکاوٹ تھی۔اس ڈیل کے تحت امریکا ترکیہ کے پاس پہلے سے موجود 79 ایف 16 طیاروں کو جدید بنانے کے لیے آلات بھی فراہم کرے گا۔
