مسلم لیگ ن کے مرکزی رہنما میاں جاوید لطیف کا کہنا ہےکہ نواز شریف ستمبر میں واپس آ رہے ہیں،قوم انہیں چوتھی بار وزیراعظم بنائےگی۔رپورٹ کے مطابق میاں جاوید لطیف کی زیرِ قیادت یوم آزادی کےموقع پر شیخوپورہ میں ریلی نکالی گئی، اس موقع پر میاں جاوید لطیف کا کہنا تھا کہ ذوالفقار علی بھٹوکو بھی عالمی سازش کےذریعے اقتدار سے اتارکر ماراگیا تھا۔
حریم شاہ کا نگراں وزیر خارجہ بننے کی خواہش کا اظہار۔
حریم شاہ کا نگراں وزیر خارجہ بننے کی خواہش کا اظہار۔
نواز شریف کوپاکستان کا دفاع ناقابل تسخیر بنانے کی سزا ملی، ان کا سی پیک کاعظیم تحفہ عالمی قوتوں کو ناگوارگزرا، عالمی سازش اب بھی جاری ہے لیکن نواز شریف کے راستے میں اب کوئی بارودی سرنگ برداشت نہیں کریں گے۔
جاوید لطیف کامزید کہنا تھا کہ عمران خان کوبچانےکیلئے پاکستان مخالف قوتیں منصوبہ بندی کررہی ہیں، اگر ہم اپنی سیاست قربان نہیں کرتے تو آئین، جمہوریت اور ریاست کو ناقابل تلافی نقصان پہنچادیاجاتا۔ شخصیات ریاست پرقربان ہوں گی لیکن ریاست کو شخصیات پرقربان نہیں ہونے دیں گے،
شہیدوں اورغازیوں کی قربانیوں کے ثمرات ریاست کو ملنےچاہئیں۔دوسری جانب سابق وزیر دفاع خواجہ آصف نے کہا ہےکہ جب تک رسک زیرو نہیں ہوجائے گا ہم نواز شریف کی واپسی کا رسک نہیں لے سکتے۔
