پاکستانیوں کیلئے بیلاروس میں روزگار کے مواقع سے متعلق حکومت کی جانب سے بڑی پیشرفت سامنے آئی ہے۔سینیٹ کی قائمہ کمیٹی اوورسیز پا کستا نیوں کا اہم اجلاس منعقد ہوا، جس کی صدارت سینیٹر ذیشان خانزادہ نے کی۔ اجلاس میں مختلف امور پر تفصیلی تبادلہ خیال کیا گیااجلاس کے دوران چیئرمین کمیٹی نے سیکرٹری اوو رسیز پا کستا نیز سے پوچھا بیلاروس میں پاکستانیوں کیلئے کتنی نوکریاں دستیاب ہیں، جس پر انہوں نے بتایا بیلاروس میں پاکستانیوں کیلئے انڈسٹری، زراعت، ہاؤسنگ اور نان اسکولز سمیت 1 لاکھ 98 ہزار اسامیاں موجود ہیں۔
LOADING...
انہوں نے مزید بتایا بیلاروس میں ملازمت حاصل کرنے کیلئے پاکستانیوں کو روسی زبان سکھائی جا رہی ہے۔ یہ زبان سکھانے کا عمل نمل یونیورسٹی کے ذریعے جاری ہے۔چیئرمین کمیٹی نے دریافت کیا کن شعبوں کے افراد بیرون ملک جانے میں دلچسپی رکھتے ہیں؟، جس پر سیکرٹری نے بتایا آج کی دنیا صرف اسکلڈ یعنی مہارت رکھنے والے افراد کی ضرورت محسوس کرتی ہے، بیلاروس کے ٹریکٹرز دنیا بھر میں مشہور ہیں اور یورپ میں سیزنل لیبر کی بہت زیادہ مانگ ہے۔
حکومت ایسے اقدا ما ت کر رہی ہے جن سے سیزنل لیبر کی واپسی کو یقینی بنایا جا سکے۔سیکرٹری نے کہا سیزنل لیبر کے حوالے سے اٹلی نے پاکستان پر اعتماد کیا ہے اور ہماری لیبر کو ملازمت کے مواقع فراہم کیے جا رہے ہیں۔چیئرمین کمیٹی نے سوال اٹھایا پاکستانیوں کو بیلاروس جانے کی اجازت کب تک ممکن ہوگی؟، جس پر سیکرٹری نے وضاحت کی بیلاروس کیلئے ویب سائٹ کھلی ہوئی ہے اور پاکستانی براہ راست اپلائی کر سکتے ہیں۔
2ماہ کے اندر بیلاروس کیساتھ ہمارا ایم او یو بھی طے پا جائیگابیلاروس میں کم از کم تنخواہ 7ڈالر مقرر کی گئی ہے، جو پاکستانیوں کیلئے ایک بہتر موقع ہو سکتا ہے۔اجلاس میں اوورسیز پاکستانیوں کیلئے صحت سہولت پروگرام پر بھی بریفنگ دی گئی۔ سی سی او محمد ارشد نے بتایا 20کروڑ پاکستانی اس پروگرام کا حصہ ہیں اور ابتک ڈیڑھ کروڑ سے زائد افراد نے صحت سہولیات حاصل کی ہیں، وزیراعظم سے لیکر ایک عام پاکستانی تک سب کیلئے ایک جیسا پیکیج اور سہولت دستیاب ہے۔
حوالہ
