جی میل اکاؤنٹس میں ‘حیران کن’ تبدیلی کردی گئی۔
ٹوئٹر اور فیس بک کے بعد گوگل نے اپنے مختلف برانڈز پر بلیوٹک دینے کا آغاز کردیا ہے۔
دنیا کی سب سے بڑی انٹرنیٹ ٹیکنالوجی ویب سائٹ گوگل نے جی میل اکاؤنٹس سمیت گوگل کے دیگر برانڈز پر صارفین اور اداروں کو مفت بلیو ٹک دینے کا آغاز کردیا ہے۔
کمپنی کی جانب سے ایک بلاگ پوسٹ میں اس بات کی تصدیق کی گئی کہ جعلی سازی کی روک تھام کے لئے گوگل کے جی میل اور گوگل ورک پلیس سمیت دیگر پلیٹ فارمز پر تین مئی سے ’بلیو ٹک‘ دینے کا سلسلہ شروع کردیا گیا ہے۔
بلاگ پوسٹ میں بتایا گیا کہ مذکورہ فیچر کی آزمائش دو سال قبل میں کی گئی تھی اور کمپنی نے اس فیچر اور پروگرام کو ’برانڈ انڈیکیٹرز فارمیسیج ویری فکیشن (بی آئی ایم آئی) کا نام دیا ہے۔
گوگل کی جانب سے جی میل پر بلیو ٹک دیئے جانے کے فیصلے پر دنیا بھر کے کروڑوں صارفین نے خوشی کا اظہار کیا اور اس فیچر کو جعلی ای میلز اور فراڈ سے حفاظت کا اچھا فیچر قرار دیا۔
خیال کیا جا رہا ہے کہ پاکستان میں بھی صارفین اور اداروں کی جی میل پر آئندہ ہفتے سے بلیو ٹک نظر آنا شروع ہوجائے گا۔
