بار بار چوریوں سے تنگ شہریوں نے مبینہ چوروں کو پکڑ کر ٹیپ سے لپیٹ دیا، ویڈیو وائرل

-
Tired of repeated thefts, citizens caught the alleged thieves and wrapped them in tape, video goes viral
انڈونیشیا میں بار بار ہونے والی چوریوں سے تنگ ایک گھر کے مالک نے پڑوسیوں کے ساتھ مل کر مبینہ چوروں کو رنگے ہاتھوں پکڑنے کے لیے منصوبہ بنایا۔ کارروائی کے دوران چار مشتبہ افراد کو قابو کر لیا گیا۔چوروں کو بعد ازاں سر سے پاؤں تک ڈکٹ ٹیپ میں لپیٹ دیا گیا۔ اس واقعے کی ویڈیو سوشل میڈیا پر تیزی سے وائرل ہو رہی ہے۔

LOADING...

وائرل ویڈیو میں دیکھا جا سکتا ہے کہ گھر کے مالک اور علاقے کے دیگر افراد نے مبینہ طور پر گھات لگا کر مشتبہ چوروں کو پکڑا۔ بعد ازاں انہیں اس انداز میں ڈکٹ ٹیپ سے باندھا گیا کہ وہ حرکت کرنے کے قابل نہ رہے۔ ویڈیو میں ان کی شکل و صورت کارٹون کرداروں سے مشابہ دکھائی دیتی ہے، جس کے باعث یہ منظر سوشل میڈیا پر غیر معمولی توجہ کا مرکز بن گیا۔واقعے کے بعد سوشل میڈیا پر صارفین کی آراء تقسیم دکھائی دیں۔ بعض افراد نے مسلسل چوری کی وارداتوں سے تنگ شہریوں کی جانب سے کی گئی اس کارروائی کو جرائم کے خلاف مؤثر ردعمل قرار دیا اور کہا کہ مقامی آبادی نے اپنی حفاظت کے لیے قدم اٹھایا۔

دوسری جانب متعدد صارفین نے اس اقدام پر اعتراض کرتے ہوئے کہا کہ کسی بھی مشتبہ شخص کو قانون اپنے ہاتھ میں لے کر سزا دینا یا عوامی سطح پر تذلیل کا نشانہ بنانا درست نہیں۔ مشتبہ افراد کو فوری طور پر پولیس یا دیگر قانون نافذ کرنے والے اداروں کے حوالے کیا جانا چاہیے تاکہ ان کے خلاف قانونی کارروائی کی جا سکے۔قانونی اور سماجی امور کے ماہرین کے مطابق یہ واقعہ ایک جانب جرائم میں اضافے پر عوامی تشویش اور ریاستی اداروں کی کارکردگی سے متعلق بڑھتی ہوئی بے چینی کی عکاسی کرتا ہے، تاہم دوسری جانب کسی بھی مشتبہ شخص کے ساتھ عدالت اور قانون سے ہٹ کر برتاؤ کرنا قانونی اور اخلاقی لحاظ سے کئی سوالات کو جنم دیتا ہے۔تاحال یہ واضح نہیں ہو سکا کہ چاروں مشتبہ افراد کے خلاف پولیس نے کیا کارروائی کی ہے یا واقعے کے بعد مقامی حکام کی جانب سے کوئی باضابطہ بیان جاری کیا گیا ہے۔ 



حوالہ

ٹیگز

اشتہار


Banner 728

اشتہار