مریم نواز کا بلوچستان کے طلباء کے لیے وظائف کا اعلان

پنجاب حکومت نے بلوچستان کے طلبہ کے لیے 460 وظائف کا اعلان کیا ہے جس کا مقصد اعلیٰ تعلیم تک رسائی کو بڑھانا اور باصلاحیت نوجوانوں کے لیے تعلیم کے نئے مواقع پیدا کرنا ہے۔وزیراعلیٰ مریم نواز شریف کے وژن کے مطابق پنجاب حکومت نے بلوچستان کے مستحق اور باصلاحیت طلبہ کے لیے 460 تعلیمی وظائف کا اعلان کر دیا ہے تاکہ مالی مشکلات تعلیم کی راہ میں رکاوٹ نہ بنیں۔

LOADING...

حکومت پنجاب کے اعلامیے کے مطابق تعلیمی سال 26-2025 کے لیے انٹرمیڈیٹ، گریجویشن اور ایم ایس ایم فل کے وہ تمام طلبہ جن کے پاس بلوچستان کا ڈومیسائل ہے وہ اس اسکالر شپ کے لیے اہل ہیں۔وظائف کے لیے درخواستیں بلوچستان ایجوکیشن اینڈومنٹ فنڈ کے ذریعے طلب کی گئی ہیں، جن کا ہدف خصوصاً کم آمدن والے اور مستحق طلبہ ہیں تاکہ وہ معیاری تعلیمی اداروں میں داخلہ حاصل کر سکیں۔

وزیراعلیٰ مریم نواز شریف کے وژن کے مطابق پنجاب حکومت نے بلوچستان کے مستحق اور باصلاحیت طلبہ کے لیے 460 تعلیمی وظائف کا اعلان کر دیا ہے تاکہ مالی مشکلات تعلیم کی راہ میں رکاوٹ نہ بنیں۔ تعلیمی سال 26-2025 کے لیے انٹرمیڈیٹ، گریجویشن اور MS/MPhil کے وہ تمام طلبہ جن کے پاس بلوچستان کا… pic.twitter.com/yOla3ZjjuW

— PMLN (@pmln_org) April 21, 2026

وزیراعلیٰ بلوچستان میر سرفراز بگٹی نے اس اقدام کا خیر مقدم کرتے ہوئے وزیراعلیٰ پنجاب مریم نواز شریف کا شکریہ ادا کیا ہے۔انہوں نے اس اقدام کو تعلیمی مواقع کے فروغ کی جانب ایک اہم قدم قرار دیا، ان کا کہنا تھا کہ اس طرح کے اقدامات سے عام گھرانوں کے طلبہ کو بھی اعلیٰ تعلیمی اداروں تک رسائی حاصل ہو رہی ہے جو سماجی ترقی کی عکاسی کرتا ہے۔انہوں نے اس عزم کا اعادہ کیا کہ تعلیم ہر شہری کا بنیادی حق ہے اور بلوچستان میں تعلیمی شعبے کی بہتری کے لیے اصلاحات کا عمل جاری ہے۔

 حوالہ