ایک ہی سال میں دو بار رمضان ماہرین فلکیات کی حیران کن پیشگو ئی

دنیا بھر کے مسلمان 2030 میں ایک نہیں بلکہ 2 مرتبہ رمضان المبارک کا استقبال کریں گے۔ ماہرین فلکیات کے مطابق ایسا ہر 33 سال بعد ہوتا ہے، اور اس کی وجہ قمری سال کا شمسی سال سے 11 سے 12 دن کم ہونا ہے۔دبئی سے منسلک فلکیات گروپ کے چیف ایگزیکٹو حسن احمد الہریری کے مطابق، قمری مہینے ہر سال 10 سے 11 دن آگے بڑھتے ہیں۔

LOADING...

ماہرین کے مطابق سن 2030 میں رمضان المبارک پہلی بار 5 جنوری (اسلامی سال 1451 ہجری) کو شروع ہوگا، جبکہ دوسری بار 26 دسمبر (اسلامی سال 1452 ہجری) کو شروع ہوگا۔ اس طرح مسلمان ایک ہی عیسوی سال میں 2 مرتبہ روزے رکھیں گے، جنوری میں 30 اور دسمبر میں 6 روزے ہوں گے۔

جس سے مجموعی طور پر 36 روزے اس سال ادا کیے جائیں گے۔یہ نایاب موقع تقریباً ہر 33 سال بعد آتا ہے، کیونکہ قمری اور شمسی کیلنڈر کے فرق کی وجہ سے اسلامی مہینے مختلف موسموں سے گزرتے ہیں۔ اس سے قبل یہ موقع آخری بار  1997 میں آیا تھا، اور اگلا موقع 2063 میں ہوگا۔

حوالہ