کراچی میں کھلے مین ہول بچوں کی جان کے دشمن بن گئے، بلدیہ ٹاؤن میں ایک اور معصوم بچی گر گئی۔شہر قائد میں کھلے مین ہولز ایک بار پھر بچوں کی جان کے لیے خطرہ بن گئے، کھلے مین ہول میں ایک اور معصوم بچی کے گرنے کے واقعہ نے شہریوں میں شدید تشویش پیدا کر دی ہے۔یہ واقعہ گزشتہ روز بلدیہ ٹاؤن سیکٹر 12 ڈی، یونین کونسل 11 میں پیش آیا جہاں ایک کھلے مین ہول میں بچی گر گئی۔ اہلِ محلہ نے بروقت کارروائی کرتے ہوئے بچی کو گٹر سے با حفاظت نکال لیا۔
LOADING...
واقعے کی ویڈیو بھی سوشل میڈیا پر وائرل ہوگئی جس میں دیکھا جا سکتا ہے کہ مین ہول پر ڈھکن موجود نہیں، جس کی وجہ سے یہ خطرناک حادثہ پیش آیا۔علاقہ مکینوں کا کہنا تھا کہ نیپا چورنگی والے سانحے کے بعد بھی بلدیاتی ادارے غفلت کی نیند سو رہے ہیں اور کھلے مین ہولز پر تاحال ڈھکن لگانے کے لیے کوئی سنجیدہ اقدامات نہیں کیے گئے۔شہریوں نے مطالبہ کیا کہ شہر بھر میں کھلے مین ہولز کا فوری طور پر نوٹس لیا جائے تاکہ ایسے واقعات کا سدباب ہو سکے۔
