پاکستان کی تیسری ائیرلائن نے ’’برطانیہ فلائٹ آپریشن‘‘ کیلیے درخواست دیدی

پاکستان کی تیسری ائیرلائن نے بھی برطانیہ کے لیے فلائٹ آپریشن شروع کرنے کا فیصلہ کرتے ہوئے باقاعدہ طور پر درخواست جمع کرا دی ہے۔ذرائع کے مطابق نجی ایئرلائن’ایئرسیال‘ نے برطانیہ کے 3 اہم شہروں مانچسٹر، برمنگھم اور لندن کے لیے پروازیں چلانے کی اجازت حاصل کرنے کے لیے رجوع کیا ہے۔ یہ پیش رفت برطانیہ کی جانب سے پاکستانی ایئرلائنز پر عائد 5 سالہ پابندی کے خاتمے کے بعد سامنے آئی ہے، جس کے نتیجے میں ایک بار پھر مقامی ایئرلائنز کو یورپی فضاؤں میں آپریٹ کرنے کا موقع ملا ہے۔

LOADING...

ذرائع کا کہنا ہے کہ ایئرسیال سے قبل پاکستان انٹرنیشنل ایئرلائن (پی آئی اے) اور ائیربلو بھی برطانیہ کے فلائٹ آپریشن کے لیے درخواست دے چکی ہیں، جنہیں اس حوالے سے اجازت مل چکی ہے۔ایئرسیال کی جانب سے کی گئی درخواست کے بعد امکان ظاہر کیا جا رہا ہے کہ جلد ہی یہ ایئرلائن بھی برطانیہ کے لیے اپنی پروازیں شروع کرے گی، جو نہ صرف فضائی رابطوں میں بہتری لائے گی بلکہ بیرونِ ملک مقیم پاکستانیوں کے لیے بھی سہولت کا باعث بنے گی۔

حوالہ